Compliance-контроль

Терроризмди каржылоо жана мыйзамсыз алынган кирешелерди легализациялоо (изин жашыруу) үчүн  аспап катары Банкты пайдаланууга жол бербөө, ошондой эле Банктын  жана анын кардарларынын ишкер кадыр-баркын коргоо максатында, “Оптима Банк” ААКсында терроризмди каржылоого жана кылмыш жолу менен алынган  кирешелерди легализациялоого (изин жашырууга) каршы күрөшүү боюнча саясат (ТККЛС) колдонулат.

Колдонуудагы Банктын саясаты Кыргыз Республикасынын мыйзамдарынын талаптарына жана эл аралык стандарттарга жооп берет.  Банктагы саясаттын негизинде төмөндөгүлөр негизги багыттары болуп эсептелген, ТККЛС боюнча ички контролдоо тутуму иштейт:   

• терроризмди каржылоого жана кылмыш жолу менен алынган  кирешелерди легализациялоого (изин жашырууга)   багытталган  чараларды иштеп чыгуу жана тутумдаштыруу; 
• талап кылынган документтердин жана анкеталык маалыматтардын негизинде, Банктын кардарларын идентификациялоо жана изилдөө – “Өз кардарыңды тааны” принциби;
• терроризмди каржылоо жана кылмыш жолу менен алынган  кирешелерди легализациялоо  (изин жашыруу)   менен байланышкан операцияларды аныктоо жана  токтотуу;   
• Банктын кызматкерлерин үзгүлтүксүз окутуу жана квалификацияларын жогорулатуу, ошондой эле терроризмди каржылоого жана кылмыш жолу менен алынган  кирешелерди легализациялоого (изин жашырууга) каршы күрөшүү боюнча ишке Банктын бардык кызматкерлеринин катышуусун  камсыз кылуу;
• күмөндүү  кардарларды  жана операцияларды, ошондой эле милдеттүү түрдө контролдоого тиешелүү болгон операцияларды өз учурунда аныктоо максатында,  программалык камсыздоону жакшыртуу;     
• маалыматтарды документке негиздеп белгилөө,  ошондой эле  терроризмди каржылоого жана кылмыш жолу менен алынган  кирешелерди легализациялоого (изин жашырууга) каршы күрөшүү боюнча көрүлгөн чаралардын натыйжасында алынган документтерди жана маалыматтарды сактоо;       
• терроризмди каржылоого жана кылмыш жолу менен алынган  кирешелерди легализациялоого (изин жашырууга) каршы күрөшүү боюнча мамлекеттик саясатка жардам берүү.

Ички контролдоо тутумун уюштуруу жана  саясат менен белгиленген максаттарга жетүү үчүн, Банкта 2006-жылдан бери Комплаенс – Контролдоо башкармалыгы иштейт.

«Оптима Банк» ААКсында эсептерди ачуу жана тейлөө үчүн талап кылынган   документтер менен анкеталардын тизмесине түшүнүү менен карооңузду Сизден суранабыз, анткени бул,  мыйзамдарды сактоо жана Банктын  жана анын кардарларынын ишкер кадыр-баркын коргоо максатында  зарыл нерсе.